मानवी मेटाप्न्युमोव्हायरस (HMPV) हा श्वसनमार्गे पसरणारा विषाणू आहे, जो सामान्यतः सर्दी आणि खोकल्यासारख्या सौम्य लक्षणांना कारणीभूत ठरतो. मात्र, लहान मुले, वृद्ध आणि कमकुवत रोगप्रतिकारक शक्ती असलेल्या व्यक्तींमध्ये हा विषाणू गंभीर आजारांना कारणीभूत ठरू शकतो. सध्या चीनमध्ये या विषाणूच्या संसर्गात वाढ झाल्याचे दिसून येत आहे, ज्यामुळे रुग्णालयांमध्ये गर्दी वाढली आहे.
भारतामध्येही या विषाणूचे काही रुग्ण आढळले आहेत. बंगळुरूमध्ये तीन महिन्यांच्या मुलीला आणि आठ महिन्यांच्या मुलाला HMPV संसर्ग झाल्याचे निदान झाले आहे. या दोन्ही मुलांना यापूर्वी ब्रॉन्कोप्न्युमोनियाचा इतिहास आहे. अहमदाबादमध्येही दोन महिन्यांच्या मुलाला HMPV संसर्ग झाल्याचे आढळले आहे. भारतीय आरोग्य अधिकाऱ्यांनी चीनमधील प्रकरणांशी कोणताही संबंध नसल्याचे स्पष्ट केले आहे.
अधिकृत सूत्रांच्या माहिती प्रमाणे, महाराष्ट्र राज्य माध्यमिक आणि उच्च माध्यमिक शिक्षण मंडळाने (MSBSHSE) २०२५ साली होणाऱ्या इयत्ता १०वी आणि १२वीच्या परीक्षाच्या तारखेत खबरदारी म्हणून पुढीलप्रमाणे बदल केले आहेत:
- बारावीची परीक्षा २१फेब्रुवारी ऐवजी ११ फेब्रुवारी आणि
- दहावीची परीक्षा १ मार्च ऐवजी २० मार्च रोजी घेण्यात येणार आहेत.
मात्र विद्यार्थ्यांनी अधिकृत संकेतस्थळावर नियमितपणे अद्ययावत माहिती तपासावी.
HMPV विषाणूच्या वाढत्या प्रकरणांच्या पार्श्वभूमीवर, महाराष्ट्र सरकारने नागरिकांना घाबरू नये असे आवाहन केले आहे आणि लवकरच सविस्तर मार्गदर्शक सूचना जारी केल्या जातील, असे मुख्यमंत्री देवेंद्र फडणवीस यांनी सांगितले आहे.
सर्व नागरिकांनी आरोग्यविषयक खबरदारीचे उपाय पाळावेत आणि अधिकृत आरोग्य विभागाच्या सूचनांचे पालन करावे, असे आवाहन करण्यात आले आहे.
